影片
更多
2023-10-29
15 瀏覽
觀塘不嬲都多好野食，之前係朋友介紹話觀塘有間日本餐廳做緊$10一隻燒生蠔，所今次揀神本日本料理試下佢個燒生蠔係咪咁筍同埋仲有咩推介。<神之特上刺身六點盛>由於我朋友係刺身控，所以一來就叫左個神之特上刺身六點盛，價錢唔使二百蚊係晚市黎講都叫抵食，黎到都幾驚喜。首先刺身全部都超厚切又夠新鮮，而刺身蝦唔係用赤蝦，而係牡丹蝦。深海池魚夠鮮、三文魚腩魚油充足、拖羅入口即溶，牡丹蝦夠彈牙、帆立貝放在檸檬上帶有清新的感覺，最後炙燒左口魚裙邊口感豐富有嚼勁。<牛肉他他>係日本餐廳見到牛肉他他就想試下，平時應該係比較西式的菜式。上枱後見到擺盤幾靚，而牛肉他他同平時處理方法不同，呢度係燒牛肉，四邊會煎香，但內裏則保持生鮮。調味方面就撈埋洋蔥同埋燒汁，都幾惹味開胃。<蒜蓉燒生蠔>一開始估計只係Gimmick引人地黎幫襯，但上枱後發現生蠔Size都好大，而且生蠔上面舖滿蒜容同里蔥，生蠔肉厚新鮮，所以最後叫左四隻都好似唔夠喉咁。<十款雜錦串燒>呢度雞類串燒全部都係來自日本，同埋仲有唔同部位，每款都燒得好好，最推介係雞心、雞頸肉同埋雞肝，而車厘咖同埋
<神之特上刺身六點盛>由於我朋友係刺身控，所以一來就叫左個神之特上刺身六點盛，價錢唔使二百蚊係晚市黎講都叫抵食，黎到都幾驚喜。首先刺身全部都超厚切又夠新鮮，而刺身蝦唔係用赤蝦，而係牡丹蝦。深海池魚夠鮮、三文魚腩魚油充足、拖羅入口即溶，牡丹蝦夠彈牙、帆立貝放在檸檬上帶有清新的感覺，最後炙燒左口魚裙邊口感豐富有嚼勁。
<牛肉他他>係日本餐廳見到牛肉他他就想試下，平時應該係比較西式的菜式。上枱後見到擺盤幾靚，而牛肉他他同平時處理方法不同，呢度係燒牛肉，四邊會煎香，但內裏則保持生鮮。調味方面就撈埋洋蔥同埋燒汁，都幾惹味開胃。
<蒜蓉燒生蠔>一開始估計只係Gimmick引人地黎幫襯，但上枱後發現生蠔Size都好大，而且生蠔上面舖滿蒜容同里蔥，生蠔肉厚新鮮，所以最後叫左四隻都好似唔夠喉咁。
<十款雜錦串燒>呢度雞類串燒全部都係來自日本，同埋仲有唔同部位，每款都燒得好好，最推介係雞心、雞頸肉同埋雞肝，而車厘咖同埋翠肉瓜都夠Juicy，而且呢個價錢都真係幾抵食。
<一口牛炒飯>最後當然要叫下日式炒飯，牛肉粒份量都多，而且加左黑椒調味，另外用日本蛋炒令飯充滿蛋香，炒得都幾乾身。
張貼
