Wooden House (已結業)

朋友話話食過呢間西餐廳覺得唔錯，今日就黎試吓。呢間鋪頭隱藏喺小街之中，但係都幾大間，鋪面裝修幾好。侍應好熱情親切，成個感覺幾舒服~主菜我哋叫咗個挪威三文魚、薯仔、刁草、酸忌廉。呢道菜甚為驚喜，佢用一個袋包住，本身看似平平無奇，但一拆袋，就已經傳來震震好香嘅焗三文魚香味，我估餐廳廚師係用袋將三文魚包住然後攞去焗，令三文魚精華唔好流失，鎖住肉汁🤔一食落去都真係冇令我失望，三文魚肉焗得啱啱好，而且每一啖都好多汁，非常juicy~🤤配埋酸忌廉同刁草食可以更加帶出三文魚嘅香味，而且同薯仔食又幾夾。👍另外仲叫咗意大利飯、紅蝦、帶子、魷魚、龍蝦汁，唔好睇佢細細碟，原來份量都幾多下，每一粒意大利飯都充滿着龍蝦汁，而且面有幾粒帶子幾大粒，每粒帶子都煎得好香，魷魚仔都唔會韌，大蝦顏色煎得好靚，同龍蝦汁意大利飯賣相好夾~個人最喜愛入面有幾粒車厘茄，令成碟飯帶點清新，而且酸酸地又令人食慾大增😬最後甜品就叫左朱古力窩夫配椰子味Gelato同埋朱古力窩夫配雜莓味Gelato，見餐牌上面寫着gelato喺鋪頭親自每日新鮮製造，佢個Gelato又真係冇令我失望，椰子味gelato每一啖食到有椰絲，甜度適中，配埋意大利