喜天丼

營業中

休息中

今日去完尖沙咀買野，諗住食埋飯先番去，經過K11附近，見到有間專注做天丼的小店。之前都試過食天丼，不過見到用西澳龍蝦製的「伊勢海老天丼」就真係第一次，決定要黎試下。<伊勢海老天丼>一上枱俾個龍蝦頭震憾到，個Size都幾大，另外仲有三大舊龍蝦，絕對有誠意，肉質夠彈牙，啖啖肉，而龍蝦頭仲有些少肉同蝦膏。另外配菜都整得好，尤其係南瓜夠鮮甜，冬菇菇味夠濃，另外仲有秋葵、蓮藕同埋茄子，而流心蛋天婦羅係有畫龍點晴的效果，配上日式醬汁撈飯一流。<海鮮天丼>海鮮天丼就有超長的穴子做賣點，另外仲有海虎蝦、松葉蟹鉗、帆立貝、沙錐魚等海鮮食材，炸粉夠薄，只用些少鹽來調味，可以食得番食材本身的味道。另外都有其他配菜如流心蛋、冬菇、蓮藕同埋茄子，超抵食!整體而言，呢度的天婦羅即叫即製，食材新鮮，而龍蝦天婦羅真係夠Gimmick得黎又啖啖肉。至於海鮮天丼材料豐富，絕對物超所值!飲品方面，叫左比較出面比較少有的招財貓波子汽水同埋信洲蘋果梳打，都幾refreshing。