青森料理 (已搬遷) 新店位置

睇市廣場食都冇嘢好食嘅話，落嚟新墟嘅小巷嘅餐廳都係一個好嘅選擇。青森喺屯市都開咗好耐㗎啦，算係老字號。一定要食玉子燒，因為親手製作，上碟個陣仲係熱辣辣，有煙冒出黎。入口香滑，不略微甜咗少少。鰻魚口感比較差，有啲銀，唔算入口即溶。唔建議喺度嗌黎食。三文魚刺身就比較高質，食得出材料好新鮮，冇乜筋，$98 8塊，其實都唔算特別平架，不過好食就抵番囉。燒三文魚頭普普通通，我唔鍾意佢嘅魚皮嘅魚鱗，啲肉又唔算好滑，乾身左少少。鰻魚炒飯，勁少鰻魚，啲飯都炒得唔夠香，飯粒唔乾身，唔推薦