Coyote Bar & Grill (已結業)

下午一點三個人黎到食下午自助餐 因為第一次食墨西哥食物 所以好期待一黎到整個自助餐區唔係話好大 但算應有盡有 最左手面放左墨西哥卷🌮️同埋炒飯跟著就係芝士雞卷 最好味係佢 因為芝士味超濃 我都食左好幾件 芝士卷旁放左大大隻既🦐 爽口彈牙 又新鮮 唔錯上方就有一煲煲緊既芝士 同黎碗上脆卜卜既墨西哥片 再過d 就有新鮮既沙律同埋一大塊脆身既墨西哥片 而前方就有一大埋醬汁比你加上去其中值得一提 左手面綠色既係牛油果🥑醬 正呀 可以不斷refill 🤤 右上角就有煮西蘭花🥦 左上方我都唔知係咩 左中就係肉醬用黎放上墨西哥食 味道一流呀 右上就係炸魚塊 脆身而不膩 左下係白汁貝殼🐚炒 味道正常 中下係肉絲 無咩特別 好似食緊瘦肉 右下一定要食既黑椒雞腿🍗 細細隻 焗到收乾曬水 黑椒味香濃 雞肉滑身 味道唔錯 仲有雞排條 乾但配上三色椒感覺會健康點 最後係bbq豬排骨 呢碟出去食 幾塊都三百蚊 呢到有一大件比你食 值回票價呀 bbq汁超入味 腍到骨肉可以分離 超正 最後甜品有時令水果 西瓜同波羅 兩樣教好甜 另外有泡芙 雪到冰一冰 好似食緊雪糕錦 口感一流呀 Ps 呢到檸檬茶係可以無限refill