活一鮮 (已結業)

由兩年前work from home時期開始，已經差唔每個星期都會光顧一次活一鮮，外賣可能已經買過不少於三十次😆 佢哋既三色丼從來都無令我失望過，每一次我都係揀三文魚腩、蔥吞拿魚腩同海膽💛 魚生份量同資素so far都好consistent，足料、新鮮、好食👌🏼難得今次約咗朋友堂食，試咗鮮壽司，包括有三文魚腩、油甘魚、鱆紅魚、甜蝦、紫蘇墨魚、蟹羔、海膽等共十二款壽司 🍣 全部都不錯，雖然個人都係偏好三色丼😜 見有啲留言話店舖服務較差，但我自己光顧過咁多次店員都幾親切友善，有時買外賣仲會叫我企對面唔好曬親🤭🤭都幾warm呀，可能有時候忙起上嚟講嘢直接左啲，大家要多多體諒啊☺️