武士拉麵 (已結業)

今晚收工經過牛頭角裕民商場附近，行行下發現果頭附近好都有好多餐廳，見到有間新開的武士拉麵，又見好耐冇食過拉麵就一於去試下。有7種拉麵選擇我地點左兩個拉麵是足利將軍拉麵（黑蒜油豬骨湯底）和阪上將軍拉麵（蕃茄豬骨湯底）。阪上將軍拉麵選濃湯底，麵條粗和麵質普通。蕃茄湯底濃厚，又有兩大片叉燒半肥瘦，半隻糖心蛋，粗麵又夠煙韌。足利將軍拉麵濃厚的豬骨味配上黑蒜的味道令湯底更香濃，又有爽口木耳絲，糖心蛋和叉燒。蜜糖芥末雞翼外層沾上蜜糖的甜味，內里食落口有淡淡的芥末香味。忌廉蟹肉薯餅炸到金黃色又香口。