MX (昇悅居商場) (已結業)

今朝工作需要，過開黎西九四小龍，預左45分鐘周圍行下搵早餐食。荔枝角地鐵站直入商場，行無耐就見到呢間MX。見佢裝修企理，餐牌都吸引，其實亦都無乜其他選擇，就決定食呢間。叫左個好普通的魚柳烚旦早餐，30蚊左右，幾抵食。魚柳的炸粉唔太厚，配沙律醬，十分美味。有烚旦揀亦係一個賣點。而家有得揀烚旦的餐廳都唔多，無油、可以揀開唔食蛋黃，感覺健康好多。熱飲係奶茶，其實我覺得呢d連鎖集團沖的奶茶咖啡一向有番咁上下水準，今次都無令我失望。奶同茶的比例恰到好處。