立鮨 (安富大廈) (已結業)

火炙海苔三點三點壽司分別有火炙左口魚邊、帶子同赤蝦。有三塊紫菜比客人自己包住食，火炙完嘅壽司勁香，三件都好新鮮又大件，可以一試特選三文魚盛合呢款盛合真係物超所值，三文魚嘅肉質夠鮮嫩肥美，腩位更加係一流，絕對冇hea大家。唯一係辣味三文魚軍艦個人覺得辣咗啲，搶咗三文魚嘅味三文魚籽軍艦魚籽粒粒都大大粒又脹卜卜，醬油漬濃度恰到好處，好滿足碎蔥吞拿魚腩手卷呢個係我次次都必嗌😝 呑拿魚蓉有撈埋黃蘿蔔，食落好清爽又豐富，加上師傅即叫即整，直接將手卷遞到手上，所以紫菜係超級脆，大加分☺️大呑拿魚腩壽司大拖超級肥美，入口即化，拖羅表面加左少少特製醬汁，醬汁冇蓋過拖羅嘅鮮味，仲好清新，大推🥹