好一鍋海鮮火鍋專門店 (已結業)

今日又同老公兩個人出咗去打邊爐，今次選擇咗喺瓊華中心11樓既好一鍋，其實同一個大廈裏邊我都試過其他嘅火鍋店，係未食過呢一間，所以今次就去試吓，入到去環境舒適，被安排坐係卡位👍🏻，服務員嘅好有禮貌，湯底方面就選擇咗淮山蘋果雪梨鍋，而配料方面有好多選擇，我叫咗手切肥牛、美國肥牛、花膠、墨魚滑、手打黑椒牛丸、韭菜餃、蘿蔔、脆肉鯇魚腩、鵝腸、稻庭烏冬、蝦同蜆，兩款牛肉都肉味濃郁，好腍，韭菜餃非常飽滿，墨魚滑好彈牙，鵝腸非常爽脆，虾非常新鮮，好爽口，而d蜆係冇沙既，帶有少少甜味👍🏻，其他配料亦都非常新鮮，兩個人埋單都唔使$400，仲要係飲品任飲，咁嘅價錢確實係值得一試👍🏻👍🏻