尚鮮海鮮料理

營業中

休息中

今晚黎呢度主要係歎海鮮，所以叫左支好match海鮮既白酒，呢支Pieroth出面飲開最平都三百幾蚊，黎到呢度二百蚊左右有交易。一打開有陣陣花香，飲落微甜好易入口，男男女女都啱飲。叫左個招牌龍皇鍋，入面好多海鮮，龍蝦、大蝦、蟹、花蛤、帶子同扇貝等，仲會用埋訂左果款刺身既頭及殼，再加工處理熬湯。我地訂左龍蝦刺身，所以個湯飲落好鮮甜、龍蝦味特濃，一飲就知好足料。而啲海鮮食得出好新鮮，大家都十分滿意。另外想講下個龍蝦刺身，厚度切得唔錯，入口啖啖肉鮮甜無比，口感清爽帶脆，一般生蝦刺身完全無得比，話係極品一啲都無誇張。順帶一提呢度個法國生蠔，蠔身肥美，蠔味濃、海水味重，其實只要來貨夠靚，簡簡單單最能食到食材既原味。