121BC (已結業)

餐廳係開放式廚房，有張小bar檯可以望住廚師煮野食，咁啱我地係被安排坐嗰度。一共三個廚師，一個主廚，兩個副廚。主廚好講究，出每一碟菜前都會睇過，如果擺盤唔靚，自己都會汁過再上檯，再指導下副廚，間中又試下副廚整嘅沙律係咪保持到水準。佢哋真係煮到爆汗架，成晚無停過，欣賞👍🏻講返食物，每樣餸嘅味道都好有層次感。我見到佢啲牛扒上面煎之前係有啲綠色嘅醬，所以齋係食牛扒已經係有味道，牛扒亦好肥美，加埋黃色嘅anchovy butter，又係另一種味，帶啲鹹魚嘅香，好特別🥰。意粉係佢哋自己制,爽口彈牙煙韌，海膽同魚子新鮮，意粉汁就有另一種嘅鮮味。炸薯波都好好味。係會令你想再返去食的。