Red Mango (已結業)

認識Red Mango最初係Mega box一間乳酪店, 估唔到會開左一間自助素食餐廳,  因為表姐會結婚, 姑姐約左我齊齊食LUNCH順便比埋帖。姑姐是茹素的, 所以佢搵左一間新開的自助素食餐廳,打電話訂左位, 去到仲要等呀 !!  價錢係$118 (星期日) 加一, 開張期間有88折, 難怪咁多人啦 !!餐廳採取先付款後進場形式, 相信保障餐廳啦 !!雖然要排隊, 但係好快能安排坐位, 我地被安排坐VIP區, 離食物區較遠,但勝在夠寧靜。先去睇下有乜食先, 先黎見到有飲品區及乳酪區, 飲品有汽水, 啡咖, 薑茶等....算係多選擇喎 ! 然後有沙律區, 沙律區除左有不同菜比你揀外, 最欣賞係佢地的醬汁, 平時最多係沙律醬或醋, 但竟然有 : 小紅梅汁, 檸檬芝麻汁, 提子玉桂, 蜜桃汁, 薄荷榛子醬, 牛油果醬。個人覺得必試牛油果醬, 食到香香的牛油果味, 檸檬芝麻汁也好開胃然後到熱盤啦 ! 熱盤大約有十幾款, 雖然係素食, 但做到似肉的迫真感覺。咖喱魚旦夠彈牙, 咖喱味都好香呀 !呢款冬瓜燉素肉亦好入味, 易入口, 味道雖然淡淡地, 勝在夠清,我仲食左2碗 ~湯有2款, 我試了合