Forever 友緣西餐 (已結業)

朋友介紹呢間新餐廳，佢話環境同食物都唔錯，所以試一試！Book咗位，不使等，環境和座位都好舒服.坐低後，侍應生送上兩杯藍梅乳酸，味道微酸，有點開胃嘅感覺！叫咗兩個set dinner, 一個係美國頂級肉眼扒，另外一個係牛肋骨；先來個餐湯-雜菌忌廉湯，湯嘅濃度適中，而且有好香嘅菇味 肉眼扒七成熟，肉質好嫩，肉汁又多，而且肥瘦均勻，七成熟啱啱好，如果厚身啲就好啦！朋友嘅牛肋骨連骨奉上，雖然肥/瘦肉比例差唔多，但係肥肉多左少少，肉質有種軟綿綿的感覺，但我自己比較鍾意肉眼扒。飲品叫咗肉桂榛子咖啡，飲完呢個咖啡之後覺得好好味，第一次飲到呢個味道，咖啡好香，而肉桂係自己用玉桂條搞咖啡時散發出來的。後來才知道呢啲係哥倫比亞嘅極品咖啡豆，唔怪得咁好味啦 朋友叫咗西班牙咖啡，味道都唔錯。但係我自己就梗係鍾意玉桂榛子咖啡啦！最後仲有雪糕做甜品，呢個晚餐真係滿足！