影片
更多
2021-08-11
219 瀏覽
4個人想搵個地方坐低傾下偈，最終唔止傾得開心而且食到肚皮同心靈好滿足！一坐低就有兩個好熱情嘅店員接待我哋，見到我大汗就搵咗個冷氣位俾我吹返涼， 之後驚我哋凍又同我哋講可以校返高個風口位， 非常細心。 同店員落單吹吓水就知道佢哋係好有heart嘅人，推介我哋啱食嘅食物，又不厭其煩地解釋畀我哋聽因為食物即叫即燒，所以製作需時，建議我哋一次過嗌曬想食嘅嘢。落咗單之後其實都唔需要等好耐，就有啲小食慢慢可以上枱，一路傾一路食，根本就冇乜停過，當中有幾款嘢食簡直好食到反眼，店員又會得閒過嚟睇下我哋食得開唔開心，繼續吹下水氣氛超好。我哋食咗好多嘢，由七點坐到十點，樣樣食物都feel到好用心製作。臨走之前店員不忘提醒我哋，下次如果再想過嚟食，星期一至四就可以早一兩日訂位，如果五六日就要早一兩個禮拜，如果唔係好難訂到位。如此高質嘅黃店難book位絕對正常，所以將來都會盡量一至四過嚟幫趁，希望如果佢哋做團購我都可以幫襯到就好啦🤤另外想講有時入到啲黃店，啲歌都唔係好啱聽，不過角川嘅playlist係首首歌都好啱聽，有時傾計傾到某啲題目，再聽埋啲應景音樂，真係好感觸。幫襯一間黃店又有質素、又有態度、又有hea
一坐低就有兩個好熱情嘅店員接待我哋，見到我大汗就搵咗個冷氣位俾我吹返涼， 之後驚我哋凍又同我哋講可以校返高個風口位， 非常細心。 同店員落單吹吓水就知道佢哋係好有heart嘅人，推介我哋啱食嘅食物，又不厭其煩地解釋畀我哋聽因為食物即叫即燒，所以製作需時，建議我哋一次過嗌曬想食嘅嘢。落咗單之後其實都唔需要等好耐，就有啲小食慢慢可以上枱，一路傾一路食，根本就冇乜停過，當中有幾款嘢食簡直好食到反眼，店員又會得閒過嚟睇下我哋食得開唔開心，繼續吹下水氣氛超好。
我哋食咗好多嘢，由七點坐到十點，樣樣食物都feel到好用心製作。臨走之前店員不忘提醒我哋，下次如果再想過嚟食，星期一至四就可以早一兩日訂位，如果五六日就要早一兩個禮拜，如果唔係好難訂到位。如此高質嘅黃店難book位絕對正常，所以將來都會盡量一至四過嚟幫趁，希望如果佢哋做團購我都可以幫襯到就好啦🤤
另外想講有時入到啲黃店，啲歌都唔係好啱聽，不過角川嘅playlist係首首歌都好啱聽，有時傾計傾到某啲題目，再聽埋啲應景音樂，真係好感觸。幫襯一間黃店又有質素、又有態度、又有heart，真係好難得。
今晚食咗嘅食物:
自家製西班牙黑毛豬叉燒、厚切牛脷、秘製燒牛筋、醉燒安格斯牛肉、雞皮餃子、免治雞肉棒
肉類嚟講，樣樣都好正，以上樣樣都推介。特別至愛係醉燒安格斯牛肉，酒味濃但唔會蓋過肉味。 黑毛叉燒跟埋生菜，包埋一齊，清爽加香濃👌👌 雞皮餃子唔使講，第二度食唔到！免治雞肉棒招牌之選，絕對冇令我失望💯
秋葵、茄子、日本小甘薯、高野豆腐、煮大根、芝士年糕
蔬菜類到好有驚喜，出面啲燒茄子好容易調味太濃，呢個啱啱好。高野豆腐係招牌菜，一咬落去爆曬啲湯汁，真係冇得頂🤭芝士年糕真係第二度食唔到，出面啲芝士年糕係炸嘅，呢個係鋪咗芝士喺面燒嘅，燒到好香，年糕入面啲芝士唔會熱到辣親條脷啱啱好，加咗少少煉奶喺面成件事簡直係一流🤤
長筒魷魚、墨魚咀、多春魚、螢光魷魚漬
芥末八爪魚、雞泡魚乾、辣酒煮花螺、汁燒蟶子、汁燒大白貝
海鮮類都係樣樣都好正，所有燒海鮮包括魷魚、蟶子、大白貝嘅熟度都係恰到好處，唔會over咗，亦唔會over地調味，超級鮮甜！辣酒煮花螺好可惜我哋遲咗叫，但係店員知道我哋好想食，都將煲入面最後一粒送咗畀我哋試，四個人切開嚟食， 珍而重之地每人share到一小片，令我哋更加後悔冇早啲叫，因為真係好L好味😭 值得一提係雞泡魚乾，本身佢哋嚟貨應該啲質素已經係好好，再要加上燒嘅技術好高超，啱啱到位唔會乾爭爭，食完一碟再encore咗一碟😇
最後想講，其實支持小店有時真係要諒解多啲，雖然有時佢哋嘅原則或者規矩未必最方便到我哋，但好多時因為小店能力有限，有啲苦衷係我哋唔會明白。
張貼
