忌諱

營業中

休息中

樓上一樓餐廳梳化好寬敞，坐到唔捨得走，好適合想傾計嘅飯局。餐湯味道合格，但唔熱，餐包直頭凍到硬，冇香味，沙律外觀唔吸引，好求其。可能一開始已經打哂折扣，對主菜冇哂期望，但原來反而有驚喜。牛扒熱騰騰，大大件，我要嘅Medium剛剛好，冇血水，牛味濃，肉質嫩，薯角香脆，幾飽都想食哂佢，伴菜色澤靚又爽脆，比起沙律好好多。雞皮煎得好脆，肉質保持到嫩滑，正。結論：如果頭盤可以改善埋，一星期去一次都可以😍。