雲桂香米線專門店

營業中

休息中

星期日趕住喺限晚市堂食前填包肚，去左呢間雲桂香。本身有喺太子嗰間食開，今次我喺銅鑼灣食 叫咗個小辣雲桂米線再加底另上，再用下午茶優惠叫左個凍檸樂。首先就係喺間舖頭食嘢，有機會需要用到普通話，如果唔係未必同阿姐溝通得到。其實喺雲桂香食米線一個小問題，就係每一次都有驚喜，選擇嘅辣嘅程度啦，米線嘅多少，都好似抽獎咁。而今次亦都係一樣。今次叫咗小辣，本人就覺得辣嘅程度爭少少，似乎俾咗微辣嘅份量。本身米線嘅份量亦都非常少，可能要睇煮嗰個人隻手大定細。而餸嘅種類都好似比之前食少左。🥴可能因為百物騰貴，不過總括而言，比起其他連鎖店，都係一個好嘅選擇。