利景酒家

營業中

休息中

今日12:15我同先生兩個人上去食晏(我先到) (之前一直有幫襯,1個月幾次吧),2樓目測無晒2人枱,知客小姐問搭枱得唔得,我唔係咁想,就叫我上3樓,但跟住背後有位男士要1位,知客指住旁邊4人圓枱稱要佢搭枱(都正常),我馬上反應,咁如果係搭1個嘅話,咁我就搭枱啦,通常酒樓4人抬搭枱2＋1或2＋2都屬正常,但果張4人圓枱擺左5張櫈5個位,我地坐第1,2個位,好明顯知客小姐要求該男士坐第3個位,就直接坐在我們旁邊,喺香港非高級酒樓早午市時段要搭枱都好正常,只要說明而客人又接受都可以的,但基本上客人之間都會相隔1個位,諗都無諗過直接就坐旁邊,好喇,已經不高興都算喇,誰料第4,5個位還會放1個洗碗兜,我就問知客小姐,呢張枱你地仲會加人？她回,搭枱嘛,搭枱就係咁㗎啦,仲連續講兩次,我無回應,但真氣上心頭,再坐左一陣還是下不了氣,取背囊就走！我同先生匯合後就在附近北海中心3樓見到"鍾菜館",廣告板見午市時段大中小點一律7折,即管一試,呵,簡直意外發現,酒樓樓底非常高,佈置大氣環境非常舒服,以為好貴,最後食到飽飽連折扣係$247,更重要係食物好好味。非常感謝利景酒家給我機會發現灣仔"鍾菜館"這間咁正