影片
更多
2017-10-14
56 瀏覽
是晚路經此地，有位熱情阿姐叫人埋去食野，見佢咁friendly，就試下吧。隨意坐低後阿姐便送上一杯水，本來都無理佢，但飲一啖，嘩，原來係羅漢果水，好清甜喎，啱哂一陣叫左炸野食。皮蛋瘦肉粥（$43）一大碗粥，粥底綿滑，皮蛋下得很多，大大塊好好味。不過個瘦肉怪怪地嘅？雞絲黎㗎喎，變左皮蛋雞絲粥，哈哈，好有雞味，其實咁樣都幾好味吖。酥炸魚肉雲吞併豬肉雲吞（$68）本來想要粥加炸兩，但原來餐廳無左腸粉供應了，咁轉下口味要個炸雲吞先，茶樓就成日食炸雲吞啦，但好少去餐廳叫，一個人食貪心啲要個雙併先。魚肉雲吞係鯪魚肉，豬肉雲吞就係豬肉（哈）加了芫荽，雲吞皮炸起上黎很脆，點一下甜酸醬好好味呀。食飽飽回家去，那杯羅漢果茶真不錯，回家也煲一煲黎飲先。
隨意坐低後阿姐便送上一杯水，本來都無理佢，但飲一啖，嘩，原來係羅漢果水，好清甜喎，啱哂一陣叫左炸野食。
皮蛋瘦肉粥（$43）
一大碗粥，粥底綿滑，皮蛋下得很多，大大塊好好味。不過個瘦肉怪怪地嘅？雞絲黎㗎喎，變左皮蛋雞絲粥，哈哈，好有雞味，其實咁樣都幾好味吖。
酥炸魚肉雲吞併豬肉雲吞（$68）
本來想要粥加炸兩，但原來餐廳無左腸粉供應了，咁轉下口味要個炸雲吞先，茶樓就成日食炸雲吞啦，但好少去餐廳叫，一個人食貪心啲要個雙併先。魚肉雲吞係鯪魚肉，豬肉雲吞就係豬肉（哈）加了芫荽，雲吞皮炸起上黎很脆，點一下甜酸醬好好味呀。
食飽飽回家去，那杯羅漢果茶真不錯，回家也煲一煲黎飲先。
張貼
