羲和小館 (已結業)

我都算係一個片皮鴨fans，估唔到呢間中菜館嘅片皮鴨都幾impress 到我。我地4人點咗半隻片皮鴨。鴨肉片用發熱碟上，咁就唔驚凍咗影響肉質同味道，見到餐廳嘅細心。鴨肉方面，分咗三個唔同部位，三種唔同食法，點唔同嘅醬汁同配料。分別可以點甜醬、配青瓜、白蔥包起，或可以點爆炸糖、藍莓醬、山楂餅，仲可以配自家製芥末。除咗佢嘅烤鴨之外，呢度嘅點心同其他小炒都好唔錯。小籠包皮薄多湯汁，熱辣辣食好過癮。另外櫻花蝦蒸飯都好有風味，食落每啖都有淡淡的蝦香味，推介。冰梅骨脆卜卜，甜酸甜酸咁好開胃。另外叫咗酸菜魚，大大碟只係$268好抵食。佢嘅魚肉紮實，湯底係金湯可配上粉麵食。總括嚟講，幾個朋友嚟食上海菜都係一個唔錯嘅選擇。價錢尚算合理，座位舒適，會再回購。