影片
更多
2023-08-09
4258 瀏覽
FD定咗大唐茶座比我慶生，其實係有少少失望。之前食過下午茶，完全唔覺得有乜特別，對佢印象麻麻，不過FD推薦，咁再比機會佢啦。小麵包，焗得熱笠笠送上來，唔夠食都可以再加，OK。鴨肉及野菌凍批，橘子及鳳梨醬，鴨肉食落好幼滑，應該加咗少少鴨肝，食落似鵝肝多D，好味。香煎吞拿魚他他配水晶菜，墨西哥辣椒，醬油蛋黃汁，吞拿魚基本半熟，調味好複雜，食落唔錯。黃鱸魚配茄子醬，青蘆筍，海菜豆，茴香酒汁，鱸魚先烤再煎，魚肉好嫩，魚片煎到好香脆，同埋茄子醬好得意，好似印度果款，勁好味。羊扒及羊肉醬配小蘿蔔，薄荷牛油，油封馬鈴薯。羊扒5成熟，冇膻味，唔錯。羊肉丸好特別，食落好重印度香料味，同埋羊肉味都好重。牛奶朱古力輕忌廉，蛋白蛋糕，焦糖榛子，食落好似拿破崙，口感唔錯，不過有少少偏甜。朗姆酒巴巴，馬達加斯加雲呢拿忌廉，雜莓，哩個甜品好難食，朗姆酒倒落唔均勻，有D好重酒味，有D又好酸，唔鐘意。全晚最出彩嘅係送啲生日蛋糕，應該係香蕉椰子慕斯蛋糕，蛋糕香蕉味勁香，慕斯同蛋糕中間夾咗椰子cream，椰子和香蕉搭配滿分，食落幼滑又唔甜，超級有水準。茶同咖啡都有多款可以揀，唔錯。食完真係對大堂茶座改觀，晚上得4-5台，環
小麵包，焗得熱笠笠送上來，唔夠食都可以再加，OK。
鴨肉及野菌凍批，橘子及鳳梨醬，鴨肉食落好幼滑，應該加咗少少鴨肝，食落似鵝肝多D，好味。
香煎吞拿魚他他配水晶菜，墨西哥辣椒，醬油蛋黃汁，吞拿魚基本半熟，調味好複雜，食落唔錯。
黃鱸魚配茄子醬，青蘆筍，海菜豆，茴香酒汁，鱸魚先烤再煎，魚肉好嫩，魚片煎到好香脆，同埋茄子醬好得意，好似印度果款，勁好味。
羊扒及羊肉醬配小蘿蔔，薄荷牛油，油封馬鈴薯。羊扒5成熟，冇膻味，唔錯。羊肉丸好特別，食落好重印度香料味，同埋羊肉味都好重。
牛奶朱古力輕忌廉，蛋白蛋糕，焦糖榛子，食落好似拿破崙，口感唔錯，不過有少少偏甜。
朗姆酒巴巴，馬達加斯加雲呢拿忌廉，雜莓，哩個甜品好難食，朗姆酒倒落唔均勻，有D好重酒味，有D又好酸，唔鐘意。
全晚最出彩嘅係送啲生日蛋糕，應該係香蕉椰子慕斯蛋糕，蛋糕香蕉味勁香，慕斯同蛋糕中間夾咗椰子cream，椰子和香蕉搭配滿分，食落幼滑又唔甜，超級有水準。
茶同咖啡都有多款可以揀，唔錯。食完真係對大堂茶座改觀，晚上得4-5台，環境清幽，嘢食又好味，如果過生日，仲送埋蛋糕，勁驚喜啦！
張貼
