泰.夯蝦 (已結業)

今日大日子去咗荃灣試新嘢！冇意中喺Openrice 見其他分店有高評價，就嚟試吓喇！一嚟到，店員會送上一份肉加海鮮，鮑魚同帶子係一日一隻，肉可以任食，除咗和牛，出面有三款海鮮系任食嘅！可惜今日冇生蠔，今日係扇貝，大蜆同埋螺，之後我哋就去咗夾蝦，都幾搞鬼，D蝦好生猛，話明係流水蝦，夾果陣難免D水會周圍彈🤪，冇所謂啦！有得玩又有得食😅！夾到嘅蝦會浸落冰筒到拎返去燒。值得一讚係，店員好有心機教我地點樣燒D海鮮👍。開動啦 ..... 😍😍😍😍，蝦好多膏好甜，正呀！扇貝加咗我最中意嘅蒜蓉牛油同辣椒，不錯，諗住呢度主打海鮮，竟然牛都不錯啊，我哋仲encore 咗兩碟添！其實出邊仲有好多食物可以拎，榴槤波波不錯，但係我哋主力食海鮮同埋牛肉，根本食唔到其他嘢🤪，肚冇晒位喇😜！下次會再嚟試下其他！