拉麵天王 (已結業)

今天路過元朗，下午兩點多，有啲肚餓，見到呢間日式拉麵店，就膽粗粗入去試下可能已過午餐時段，店面客人不多，拉麵款式有四種，其中一款是時令限定，我就選了一個簡單的黑天王，麵質選了偏硬，還加點了一個豚角煮小食麵的湯底幾夠味，溏心蛋亦做得唔錯，唯一係我偏好硬身的麵質就感覺有點煮過籠，稔左少少！整體黎講呢個麵我會話有中上水平。小食豚角煮係今日最大的驚喜，腩肉煮得非常入味，淨以呢個豚角煮黎計，我覺得佢好過好多所謂的拉麵名店另一樣值得稱讚的地方係枱上放了一盅辣芽菜，拌著麵吃，令碗麵加分不少如果經開元朗，想搵一間有水準的日式拉麵店，拉麵天王應不會令你失望