二家姐正宗原味麻辣火鍋

營業中

休息中

因為朋友住喺附近嘅關係, 所以去咗文華街打邊爐，環境唔錯。我同朋友選擇左重慶麻辣鴛鴦鍋配藥膳清湯， 揀左bb辣^^配料好豐富都好乾淨。我哋點了安格斯牛頸脊，中size 份量比想像中多，2人食都好夠食，紋路好靚。牛胸爽係Menu推薦的，上菜嘅時候以為係脂肪，後尾先知道原來係牛嘅軟骨組織，食落去真係好爽，推薦！小湯包都係店員推薦嘅，上抬既時候白雪雪好實淨既感覺。 店員溫馨提示話碌10分鐘，我哋撈起后湯包完好無缺、無穿皮。雖然皮咬落厚少少，湯包嘅肉系非常之鮮味同埋多汁，咬落呢已經嗶咗啲汁出嚟，推介!雜菜盤同埋雜菇盤同鮮淮山，火煱不可少。另外店裏面有好多唔同嘅丸類可以選擇，簡直係有選擇困難症，樣様都好想試，咁我哋千挑萬選下就揀咗賴尿蝦墨丸， 好食。最後，因為我哋食完火鍋傾計點左小食黃金皮蛋同埋藍妹啤酒一支，黃金皮蛋係黃色心嘅，但係冇想像中咁流心，醬汁有醋味好易入口。