Brooklyn (已結業)

呢日即興約朋友食飯，所以就揀左呢間都方便大家的餐廳食飯。怕要排隊等，所以都預早左到，但原來都唔需要等位，只有幾台客人，我睇見入面有近窗既高台，所以就要求坐個度，職員都好友善咁示意冇問題。由於同朋友都係想食黑松露薯條，但原來已經冇呢個菜式，有點失望所以我同朋友就叫左布魯克林燒雞飯同野菌燒汁肉眼牛扒。因為呢間餐廳亦有半自助餐，所以我地叫完野食就出去拎野食喇，自助餐嘅種類不多，但都總算合格，湯都好飲，同埋佢亦有提供薯條及薯角。先黎個肉眼牛扒，開初職員建議呢個係固定一個熟度，所以我地就嘗試一下，但有啲失望，可能我同朋友本身比較鐘意食生啲的牛肉，呢個對我地黎講有啲熟，所以都有啲失望之後黎左大家都推薦嘅燒雞飯，唔好睇佢分量好似好少咁，但都好夠飽！啲飯係啲雞下面，而雞亦都燒得岩岩好，皮脆肉嫩，而且亦都加左啲香草，令到成個飯提升晒，總算個燒雞冇令我地失望！但如果可以既話，希望黑松露薯條可以回歸。