Mr & Ms Burger (已結業)

旁邊就係荃灣大部份餐廳嘅集中地，所以你唔難發現呢間轉角位嘅漢堡店。面積細細，但勝在有室外嘅位置，面對著馬路，但空氣質素同繁忙程度還可以接受。我哋分別叫咗 Cheese burger 同『龍脷柳流心蛋漢堡』，亦分別加配可樂同薯條。流心蛋用喺漢堡當中係吸引嘅，另外足料嘅程度好值得讚下。咁啱今日天氣晴朗，陽光普照，坐係外面一路食漢堡，一路享受日光浴其實都幾寫意！