蠔站 (永昇中心)

營業中

休息中

今次第一次嚟，朋友話這間的生蠔抵食又好食，不過我今日唔打算食蠔，我食set lunch，因為仲要趕住去做嘢。今日set lunch我鐡板大蝦伴魚柳薯菜、熱檸茶，餐湯唔知係乜湯，不過幾好味，塊麵包好香香菜味，鬆軟，好正👍🏻主菜👉🏻鐡板大蝦伴魚柳薯菜、黑椒汁大蝦其實只係中蝦咁大，味道只係咸咸地，肉地係硬，因為油炸所以有啲油。魚柳肉好軟，冇乜味，只係靠點黑椒汁帶返啲味出嚟，黑椒汁好咸冇乜黑椒味。薯菜係炸薯角+椰菜，炸薯角好味不過得幾粒。椰菜唔掂，好淋⋯太淋😟熱檸茶一嚟到我真係唔知點講！！有barcode！！😨首先，個檸檬係咪開箱後冇洗過直接切片用？！咁即係⋯唔通要同自己講出街食嘢就預咗污糟？！我同侍應講，她都好好即刻換過一杯。甜品係朱古力蛋糕仔，不過食咗唔記得影相😅整體可以唔再去都冇損失，不過我都會比次機會佢，下次再嚟。