影片
更多
2022-06-29
505 瀏覽
今日同朋友黎到大角咀一間restaurant and bar食飯。餐廳入面擺放左一個好大既貼牆酒櫃，充滿住形形色色既紅白酒、清酒；加埋幾張高身嘅枱櫈，氣氛好chill，啱晒同朋友飲下酒食吓嘢🥳前菜方面，店員同我哋介紹左每日新鮮生蠔daily oyster🦪西班牙🇪🇸 Castillo 帶有咸香，食到陣陣既海水味法國🇫🇷 Mont blanc 比較鮮甜，可以食到陣陣獨有既蠔鮮味。配埋餐廳自家調製嘅醬汁，好特別。我哋嗌咗個「柚子柑橘脆炸雞翼🍗」雞翼數量夠，隻隻都好肥美，雞翼炸至皮脆，配埋柚子金橘醬，好開胃。「帶子三文魚子黑松露忌廉汁扁意粉🍝」我覺得呢個意粉最為驚喜，呢個忌廉汁我諗係加多咗少少🤏芝士嘅鹹香，令到成個忌廉汁口感更豐富，每一條意粉都沾滿住濃郁嘅醬汁，配合埋三文魚子，帶有少少海水嘅鹹香，成個意粉都配合得好好。「慢煮加拿大戰斧豬扒🐷」豬扒同樣好出色，又厚又大塊，一切落去已經感覺到豬扒好軟腍，慢煮完一啲都唔會乾，食落去好tender又帶點juicy，豬味好重。配菜方面都好有心思，薯蓉滑溜；加埋五顏六色嘅蔬菜，包括有蘆筍、秋葵、蕃茄仔，擺盤吸睛又健康。最後當然要叫返個甜品「蘋果金寶🍎」，
前菜方面，店員同我哋介紹左每日新鮮生蠔daily oyster🦪
西班牙🇪🇸 Castillo 帶有咸香，食到陣陣既海水味
法國🇫🇷 Mont blanc 比較鮮甜，可以食到陣陣獨有既蠔鮮味。配埋餐廳自家調製嘅醬汁，好特別。
我哋嗌咗個「柚子柑橘脆炸雞翼🍗」雞翼數量夠，隻隻都好肥美，雞翼炸至皮脆，配埋柚子金橘醬，好開胃。
「帶子三文魚子黑松露忌廉汁扁意粉🍝」我覺得呢個意粉最為驚喜，呢個忌廉汁我諗係加多咗少少🤏芝士嘅鹹香，令到成個忌廉汁口感更豐富，每一條意粉都沾滿住濃郁嘅醬汁，配合埋三文魚子，帶有少少海水嘅鹹香，成個意粉都配合得好好。
「慢煮加拿大戰斧豬扒🐷」豬扒同樣好出色，又厚又大塊，一切落去已經感覺到豬扒好軟腍，慢煮完一啲都唔會乾，食落去好tender又帶點juicy，豬味好重。配菜方面都好有心思，薯蓉滑溜；加埋五顏六色嘅蔬菜，包括有蘆筍、秋葵、蕃茄仔，擺盤吸睛又健康。
最後當然要叫返個甜品「蘋果金寶🍎」，即叫即焗，熱辣辣，好有誠意，個底鋪滿暖暖既蘋果，上面鋪滿餅碎，加埋特別嘅焙茶雪糕，一冷一熱；士多啤梨微酸，一酸一甜；為味覺帶嚟新嘅衝擊。
整體來講，食物質素高，坐得舒服，啱晒放咗工同朋友過嚟食嘢傾偈🤣
張貼
