燒肉屋 (清風街)

今日係天后發掘下有咩食，搵到間幾吸引既燒肉店，忍唔住介紹一下😜我地先揀左時令海膽過下口癮，果然係入口即溶，又唔腥👏🏻😍推薦四味五花肉🤗，肉質好正😊，四味分別係黑椒鹽、韓式醬汁、蔥蒜同埋果味醬汁既醃製，然後放上掛架上枱📷幾過癮😎兩面燒至焦香好夠味😋 個人覺得韓式醬汁味道最出，夾埋前菜同埋生菜一齊食好夾🤪跟住仲叫咗一個原條厚切牛舌👅，店員提醒我哋要先將牛舌燒熟少少先再剪成粒狀，原來燒呢個牛舌都真係唔容易😅 不過真係好重牛味，肉質粉嫩，亦都好有咬口但唔韌，值得一試😙仲有叫左兩杯飲品，分別係波子乳酸汽水之棉花雲朵⛅️和百香果荔枝梳打🍹，兩杯都係酸酸甜甜，解膩一流🤣 仲可以打過靚卡😚