影片
更多
2018-06-13
184 瀏覽
早排同朋友傾開，準備人生第一次去東京築地，心情如何興奮其待，朋友話，不如出發之前做個簡單熱身，就介紹咗嚟呢間居酒屋。裝修不算豪華，但感覺舒服，舖面面積不大，人多煩忙時間可能要等得耐啲。店員招待雖然唔係十分熱情，但絕對唔會左催右催，有不耐煩既感覺。入正題，開始品嘗豐富既晚餐第一樣到既係呢個小食《鱈魚乾》每一條都好脆，但又唔會好燶，味道帶甜，配上沙律醬，確係佐酒良品。然後上既，係呢一餐最令我難忘既刺身盛《原條平池刺身+加拿大海膽+珍寶帆立貝》原條平池刺身十分新鮮，味道鮮甜，感覺爽口，賣相亦十分吸引。曾經食過唔新鮮既海膽，一陣臭壓腥味伴隨住苦澀的味道，真係好難食；但今次品嘗既加拿大海膽，冇呢啲唔好既味道之餘，更加係食到清澈既海水味，係本地小有既新鮮海膽。帆立貝相信大家都食唔小，但特大號既帆立貝又係咪經常有機會食到呢！最重要除咗粒肉之外，仲有佢既裙邊同埋啲膏，真係食小一樣都覺得唔滿足。整個刺身盛仲搭配咗海葡萄同三文魚籽，以往見到三文魚籽一定唔會掂，今次朋友叫我試一粒先，勉強之下就放一粒入口，點知今次食既係完全唔同，以往食既都係又咸又腥，但今次既係鮮甜又脆，好似食緊另一樣嘢。食完個刺身盛，就一口
裝修不算豪華，但感覺舒服，舖面面積不大，人多煩忙時間可能要等得耐啲。
店員招待雖然唔係十分熱情，但絕對唔會左催右催，有不耐煩既感覺。
入正題，開始品嘗豐富既晚餐
第一樣到既係呢個小食《鱈魚乾》
每一條都好脆，但又唔會好燶，味道帶甜，配上沙律醬，確係佐酒良品。
然後上既，係呢一餐最令我難忘既刺身盛
《原條平池刺身+加拿大海膽+珍寶帆立貝》
原條平池刺身十分新鮮，味道鮮甜，感覺爽口，賣相亦十分吸引。
曾經食過唔新鮮既海膽，一陣臭壓腥味伴隨住苦澀的味道，真係好難食；但今次品嘗既加拿大海膽，冇呢啲唔好既味道之餘，更加係食到清澈既海水味，係本地小有既新鮮海膽。
帆立貝相信大家都食唔小，但特大號既帆立貝又係咪經常有機會食到呢！最重要除咗粒肉之外，仲有佢既裙邊同埋啲膏，真係食小一樣都覺得唔滿足。
整個刺身盛仲搭配咗海葡萄同三文魚籽，以往見到三文魚籽一定唔會掂，今次朋友叫我試一粒先，勉強之下就放一粒入口，點知今次食既係完全唔同，以往食既都係又咸又腥，但今次既係鮮甜又脆，好似食緊另一樣嘢。
食完個刺身盛，就一口氣上咗三款看似簡單既美食。
先嚟既係明太子玉子燒，玉子燒看似簡單，但外間一般會將啲蛋整到好老，好乾，但呢度既玉子燒，仍然嫩滑，仍然濕潤，而巧妙之處係雖然蛋仍嫩滑既狀態下，都唔會崩塌，睇得出師傅拿捏得十分準確。加上內藏滿滿既明太子，濃郁既蛋香配以微辣味到，十分
醒神。
再嚟就係連街邊小食都可以輕易食到既餃子，一啲都唔簡單，因為全部都係自家製，香脆既餃子皮內填滿大量韮菜及肉碎，每一啖咬落去你都唔會覺得啲餃子天生營養不良。
再然後就到加州反卷，對於呢樣食物，一般嚟講我只會視為充飢食物，唔會太在意，但今次既加州反卷令到我留意到佢，因為每一啖都係脆卜卜，每一粒蟹籽咬落去都係啪啪聲，如果有小朋友，點呢個俾佢哋一定食得好開心。
之後上既係大蝦天婦羅以及朴葉炭燒一口和牛，大蝦天婦羅蝦肉彈牙爽口，外面既粉漿唔會太厚，所以冇油膩及食炸粉漿既感覺。朴葉碳燒一口和牛既牛肉肉質嫩滑，十分juice，放到口中第一次咀嚼既時候，肉汁好似喺牙縫間噴出，師傅亦都唔會用大量調味加到肉，導致牛肉既肉味被調味蓋過，但如果你係喜歡食味道偏濃既人，你可以會略嫌唔夠味。
嚟到接近尾聲既一道菜，喜之次，呢樣係我認為整餐晚餐上比較冇驚喜既一道菜，如果喺調味上可以更濃郁，應該會比較好。
最後，師傅將原條平池起咗既骨用來煲湯，煲出嚟既湯都帶有十分鮮甜既鮮味，亦盡顯師傅不浪費任何食材既功力。
總結整餐晚餐，刺身，海產類既食材都十分新鮮，賣相亦十分吸引，而熟食方面，整體嚟講，味道較清淡，食得比較健康。
張貼
