Coffee Jobs (已結業)

朋友係廣華醫院返工， 佢提議去附近coffee jobs食晚飯，味道唔錯，環境舒適。我地7點左右去到餐廳，還未坐滿，環境感覺優閒及輕鬆~餐廳係自助形式買食物，買了後待應會送來上檯的，我地先點了個意大利飯，另外見到我們二人都喜愛既豬手，menu相片中好像很大隻，所以就二話不說，叫了一隻試吓。先來“南瓜蘆筍大蝦意大利飯”($138)，意大利飯出面好多餐廳都煮得過硬，呢度煮得軟硬適中， 剛剛好! 大蝦好新鮮仲有好多蝦膏，肉質彈牙。整個飯有露筍、南瓜和蕃茄, 係健康之選。登登登……………“德國鹹豬手配薯角”($178) 上檯同張相片的確係一樣咁”大”，外皮焗到很香脆，入面肉質很嫩滑， 醃味剛好，不會太鹹。  薯角炸到金黃色，很香口，兩個人都忍唔住食晒成碟，熱氣死! 哈哈………最後, 飲番杯鮮奶咖啡結尾，咖啡味濃郁，夠晒奶味。環顧這裡的環境及食物質素，真是一個不錯的選擇。