永順食店 (已結業)

朋友推介--排隊沙嗲牛🐮🐮永順食店本身約咗幾個朋友一行4人朝早有野做，點知有人確診，得返2個...橫掂出咗門口，就去搵野食啦~諗諗下朋友講咗話之前想試永順食店，聽講好好食，但佢之前去排哂長龍食唔到，咁揀日不如撞日，去試下運氣啦~去到前面得2個人，正~食到😍😍講返野食~🐮沙嗲牛肉麵~我要咗出前一丁，朋友就叫咗蟹皇麵，好啦，黎到，就咁睇係一樣嫁🤣🤣🤣朋友話食落都係咁，仲要貴$2🤣🤣🤣🤣沙嗲係多到成個湯都係，即係沙嗲湯底，唔係平時向茶記食咁得少少痴住D牛肉，勁香濃，好味😋；牛肉唔硬，正常。🐔之後到炸雞翼，係生炸嘅，唔乾，咬落好好多肉汁，入面啱啱好熟哂，唔會死咸🐷最後係煎豬扒，佢有得揀煎或者炸，我地揀咗煎；佢用有骨豬扒，黎到已經斬開一件件，唔洗自己切，好方便，已經預估呢種老子號舊式快餐店會用鬆肉粉，但好彩唔會食到個種味，食落都係軟身易咬，好食今餐總結~環境⭐⭐⭐食物⭐⭐⭐⭐⭐性價比⭐⭐⭐⭐total食咗124蚊，鐘意食沙嗲牛嘅朋友可以試下，好食😋；明白點解咁多人食，但如果要好似平時見到咁長龍排隊食的話，就唔會啦🙈🙈#foodie #food #foodstagram #hkfoodie #fo