Good Times Restaurant And Bar (已結業)

個日係朋友生日，有啲事所以要係番佢住個區食生日飯。一search OpenRice，就見到Good Times，餐廳裝修好好（個下仲諗緊有無search錯地區😂），所以即刻就Book 左枱。生日當晚去到餐廳好開心，因為見到餐廳室內氣氛比睇到既仲要好，同埋staff既態度都好friendly。佢地見到我買左蛋糕，好快都問我洗唔洗雪入雪櫃。之後同朋友都叫左同一個扒餐，味道同質感都好好，比起自己係市區食過既同價餐廳都要好食。食完dinner，叫餐廳起蛋糕。送到上枱個陣，突然發覺蛋糕隔離多左條特別既生日蠟燭。我同朋友都好surprise，食完飯，我都特登去多謝佢地同埋傾左陣計。平時我都唔會寫評論，但真係多謝staff既幫忙，令我同朋友都食得開心。（原本諗住年三十晚出好，唔洗拖到過新年。結果呢😂😂希望睇到既朋友同餐廳staff都新年快樂）另外，影左既相全部都有我同我朋友，所以就唔po相了。