森巴餐廳 (已結業)

朋友生日，見到呢間餐廳專慶祝生日，所以去試下。一去到就有紅雞蛋同埋一張卡仔放響檯面，哈哈，幾得意。我地三個女仔＋一對夫婦，各自點菜。我地三個女仔就叫左三個餐share，好多野食。總共可以選八個頭盤，咁橋又有八款，所以每樣都叫哂；一人一個湯，我就叫左龍蝦湯，都有輕微所謂龍蝦味；主菜叫左牛、魚同雞，我只有食左牛，我覺得幾林，比想像中好；可以揀一個森巴推介，ｄ人話八寶釀乳鴿好味，試下囉，我又唔覺好好食，隻鴿都冇入味嘅！最好仲有甜品飲品，我揀左焦糖燉蛋，好味喎！揀左菊花蜜，出奇地ｏｋ喎，但朋友話菊花薑蠹就no good！之後係蛋糕環節，仲有朋友個名，不過串錯字囉，明明張卡仔都冇串錯架！送嘅蛋糕唔好預好好味囉！同時會播生日歌架，朋友話好似會有生日果個人嘅名響首歌入面，但我地掛住吹蠟燭，miss左。另外餐廳仲送左相片月曆同有名嘅鎖匙扣比壽星女，好多野玩，都幾得意架！我地請壽星女，但係每人都係$280／位，如果只計食物質素就唔抵，不過咁多野食，勁飽！又咁多野玩咁多野送，抵番哂！