許記麵家

營業中

休息中

是日又離到大埔，朋友帶路去食呢間餐廳，佢話食過覺得醉雞好好味。我本身好鐘意醉雞，加上食粉麵嘅地方有醉雞食都幾好奇想試下。我哋三人行下午一點左右到達，雖然唔使等位，不過已經坐得8899因為座位唔多。豬潤米粉豬潤好大件，爽口又滑兼好粉，煮得啱啱好，好好味啊而個湯底望落幾清，但好夠味。鹵水豬頭肉麵朋友嗌嘅鹵水豬頭肉麵。因為未食過豬頭肉，所以試下，上枱先知原來係豬耳好大碟啊！我哋三個人都夠食！豬耳切得好薄，咬落好爽脆，味道調得幾好，唔會好鹹 齋食唔送麵都ok，落咗麻油好香。上湯生菜清清地嗌多個上湯生菜，生菜好入味兼仲係好爽脆花雕醉雞最期待嘅花雕醉雞 原來呢度嘅醉雞係醉雞脾離㗎！雞肉又厚又實，外皮仲好爽脆。酒味唔算太濃，平時唔鐘意花雕酒味嘅朋友都可以試一試窩。另外朋友仲嗌咗牛筋麵，我夾咗舊牛筋試下，係偏爽口嘅。見到餐牌有豬肺，好特別下次要再離試一試另外朋友仲話呢度嘅豬扒都好味，好期待下次再來！