彩興來來火鍋 (已結業)

朋友新屋入伙， 參觀完人哋屋企，食餐好嘅。 天氣又變凍， 打邊爐啱曬。配料多元化 又有麻辣醬，又有辣醬， 生蒜熟蒜必備， 最重要有指天椒， 手剁碎椒， 辣味十足。湯底黃金雞湯， 花膠，冬蟲草同埋鮮雞。 最估佢唔到 ，係會喺你面前， 烹調比你睇。 現場感十足， 煮完之後，個湯底一啲都唔油膩， 仲好香雞味。個湯一滾起，唔使諗， 一定係飲咗個湯先， 清雞湯嘅味道，有啲花膠黏口嘅感覺。 你開始打邊爐， 已經可以食窩裏面嘅嘢。我哋就叫咗午餐肉， 豬肉豆卜， 即炸響鈴， 黑毛豬， 四寶丸同油麥菜。 估唔到樣樣都咁大份，抵食滿分。 好大罐午餐肉，正。肉嘅部份夠曬彈牙。又要大大份。即炸響鈴， 新鮮即做，味道係唔同啲， 夠曬脆。黑毛豬四寶丸係四種創意新丸， 功夫菜，食落口粒粒彈牙， 最驚喜係有柚子味，出面邊會食到， 但又估唔到咁夾。咁嘅份量四個人食都夠曬。