Lagom Kaffe (已結業)

上網睇到呢間近觀塘海濱嘅cafe空間感十足，於是決定同好耐冇見嘅朋友黎食dinner，方便暢談一番！我哋六點都未夠，已經入咗去所以餐廳未係好多人。但其實店舖好大，座位唔會坐到好逼。如果一大班朋友嚟食飯都好適合我同朋友兩個人，叫咗一個沙律、一個意粉、同一個豬扒。蜜糖燒雞凱撒沙律沙律入面嘅羅馬生菜幾甜。蜜糖燒雞亦煮得啱啱好，燒雞嘅皮煎到脆一脆，亦有好香嘅蜜糖味，而雞肉仍保持住足夠肉汁。凱撒沙律醬調味亦都唔錯避風塘軟殼蟹意粉首先要讚一讚佢賣相幾好。而且加上避風塘嘅料令到個意粉好惹味，再加上蔬菜令到味道層次更加豐富。軟殼蟹亦真係炸到外脆內軟！ 份量都好足夠酸醋汁香煎豬鞍骨豬扒肉好厚，廚師烹調個熟度啱啱好，你睇吓仲見到有肉汁㗎！本身豬扒嘅調味已經好夠，但係如果你鍾意食酸嘢嘅，可以再加埋佢個酸醋汁，味道更豐富。另外都要讚一讚佢個菠蘿好鮮甜，令到成個菜式更加fresh總括嚟講，今晚成個用餐體驗都幾好，特別欣賞佢空間夠大。下次如果有成班朋友食飯，一定會嚟呢度！