八居酒屋 (天文臺道) (已結業)

呢條街有幾間餐廳，好多人放左工都會黎呢度食野或飲野。我地去到時已經八點半，但餐廳坐滿晒人，等左十分鐘到先入座。餐牌上以小食居多，餐飲就有好多款，有清酒、果汁、梅酒、梳打等等。個人幾中意淺嘗酒水，但唔太識同唔係好飲得。覺得梅酒味無甘大，又有梅既味道，所以幾中意就叫左。呢杯梅酒唔錯，第一啖覺得酒度唔重，好易入口，不過愈飲愈覺有酒。冰融左一半之後無甘濃，更合我口味！呢個係我覺得當晚最最最好食既！外皮煎得好脆好香口，入面既雞肉好熱好林。食落啲雞肉好滑，可能係撈左雞軟骨做？所以食落有啲一粒粒既脆骨，好有口感！佢配有一只蛋同醬油，醬油似燒汁，甜甜地，撈埋佢再點雞肉串簡直係正到爆！平時唔食生雞蛋，但試左一啖之後停唔到口！推介大家一定要叫呢個！！鹽燒豚肉，呢個唔平架，可能係日本入口靚豚肉關係。一大塊，唔係好厚，兩邊位置既豚肉有少少肥肉，食落好林！中間位置較瘦，啖啖肉！雖然鹽燒，但唔咸，熱辣辣新鮮上枱！有三個醬可點，包拾碟上既蛋黃醬，另下圖右邊既麻醬同酸酸地左邊既麻醬（應該係麻醬黎，唔肯定）日本蕃薯係超市賣好貴，又想試下就叫左。份量較少，真係俾你送酒食不過真係正野，唔係好甜，好好粉，外邊又脆，正！因為唔