鮪屋日本料理 (已結業)

朋友話請我食飯，突然想食日本野，就醒起呢間半年多前的小店。晚市唔算多人，一打電話來都訂到位。見到佢地有兩人餐，價錢唔算貴400左右包加一，但我地都想食生野同飲酒，所以選擇散叫！叫左一板海膽再加壽司飯，海膽好甜，水準保持到！再黎刺身拼盤，店長仲推介左兩食池魚，全部魚生都鮮味，正！ 食完生野好似唔太飽，再叫左個蟹膏炒飯，飯粒幾好咬口但可以再乾身一點。原來佢地9點後做緊酒類7折，叫左兩支清酒，好似百幾元支，選擇左凍飲，環境氣氛幾靜，吃住飲酒傾計都幾ok?埋單都9百左右，有酒飲有靚生野食都算合理嘅。