譚仔雲南米線 (九龍城廣場)

營業中

休息中

係屋企無啦啦想食D酸辣嘢，諗起去譚仔米線，所以去咗九龍城間譚仔食返個下午茶。坐定定睇下餐牌，平時會選酸辣米線餐，選兩至三個餸。今次落單前服務員介紹咗餐牌上面既米線，見佢咁推介所以試下之後服務員仲推介咗杯飲品，見佢咁好服務咁好推介，所以都幫襯下。滷汁牛肚蜂巢豆腐配香辣番茄湯(2小辣)+陳皮檸檬愛玉冰-湯底較喊-蜂巢豆腐都好，索咗D湯，其實如果底唔錯既話都無問題，可惜湯底一般般-牛肚食落好似唔係好新鮮，食落一patpat咁飲品方面幾一般，唔吸引，唔會再飲。不過值得一讚既係個服務員，可能公司對服務員既培訓幾好，推介食物既時候係十分自然，之後當我點完食物之後，又會推介下飲品，其實服務係幾好，真係值得一讚。如果服務好，加埋產品都好的話，應該會很多回頭客。如果這個價錢的話，我會情願走多兩步，去九龍城廣場對面街既金豪茶餐廳，食個牛雜河加杯凍檸茶，都只係五十幾蚊，味道上係唔同層次既享受。