一粥麵 (曼坊)

營業中

休息中

腸胃炎落去食碗粥，叫餐跟齋腸。等咗15分鐘先出餐，唔緊要，我去隔離撳下錢周圍行住等都得。餐廳好大，平日中午人流唔多，都是老人家。所以唔洗搵定位。齋腸粉邊邊落咗辣油，冇問題，自己避開唔食都ok，但豉油唔多夠，問店員有冇豉油，諗住自己出去拎，點知佢即刻拎過嚟，服務周到！讚！但係碗皮蛋瘦肉粥就出晒事，勁杰又勁咸，完全食唔到，作為一間受老人家喜愛嘅粥店，係咪太重手呢？真係唔知啲老人家點食到😨為咗早日康復，我只好果斷放棄呢個餐。