影片
更多
2012-06-04
1151 瀏覽
有朋自遠方來，去布袋澳~ 兩三年前食過一次印象幾好，所以請朋友試下。當初諗住星期六會好爆，於是早早訂台，最後全晚都係滿9成坐左右。入到去伙記好熱情，有禮貌，十分好！見到有幾款12人餐，不過我地只得8 個人，應該食唔晒，所以都係散叫。(1) 龍蝦伊面：感覺上係一早整好，唔夠熱，龍蝦細細隻但幾好肉，味道都唔錯既。(2) 薑蔥炒蟹：係幾惹味，不過蟹實在太細隻喇，無咩肉食。(3) 椒鹽魷魚：魷魚好爽口，粉又唔會太厚，炸出黎係熱辣辣的，幾好幾好。(4) 清蒸石班：伙記話俾左條衫斑益我地 (我唔識分……)，我唔係好識食，但朋友話條魚好新鮮，蒸得剛剛好！(5) 紅燒油：魚肉好滑，幾香口，仲好大碟添。(6) 白灼生蝦：個人最鍾意呢碟，因為d蝦食得出好新鮮，仲好大隻，而且佢d豉油又好味，食左好多隻！(7) 蠔油唐生菜：好大棵，大都覺得佢無切過……不過幾爽甜既。(8) 蔬菜豆腐魚湯：味道一般，濕下口。(9) 西米露/咋喳/木瓜雪耳：大排檔風味，太甜。(10)送生果：新奇事橙，好甜呀~因為我對龍蝦同蟹好有期望，味道係ok，但個size實在太細啦，好失望！仲有，如果無車去食真係好麻煩，call的士都無車，叫天
入到去伙記好熱情，有禮貌，十分好！
見到有幾款12人餐，不過我地只得8 個人，應該食唔晒，所以都係散叫。
(1) 龍蝦伊面：感覺上係一早整好，唔夠熱，龍蝦細細隻但幾好肉，味道都唔錯既。(2) 薑蔥炒蟹：係幾惹味，不過蟹實在太細隻喇，無咩肉食。
(3) 椒鹽魷魚：魷魚好爽口，粉又唔會太厚，炸出黎係熱辣辣的，幾好幾好。
(4) 清蒸石班：伙記話俾左條衫斑益我地 (我唔識分……)，我唔係好識食，但朋友話條魚好新鮮，蒸得剛剛好！
(5) 紅燒油[魚追]：魚肉好滑，幾香口，仲好大碟添。
(6) 白灼生蝦：個人最鍾意呢碟，因為d蝦食得出好新鮮，仲好大隻，而且佢d豉油又好味，食左好多隻！
(7) 蠔油唐生菜：好大棵，大都覺得佢無切過……不過幾爽甜既。
(8) 蔬菜豆腐魚湯：味道一般，濕下口。
(9) 西米露/咋喳/木瓜雪耳：大排檔風味，太甜。
(10)送生果：新奇事橙，好甜呀~
因為我對龍蝦同蟹好有期望，味道係ok，但個size實在太細啦，好失望！
仲有，如果無車去食真係好麻煩，call的士都無車，叫天不應叫地不聞，最後等左半個鐘搭小巴走……有點唔暢快 =_=
張貼
