影片
更多
2023-12-29
40 瀏覽
食得老麥，就唔好同我講健康！手機應用程式優惠價套餐，$48.5包括：脆雞包一個增量裝薯格一份麥樂雞4件配芥辣醬大汽水一杯脆雞包係繼豬柳蛋包後，另一款仍然保持水準嘅包類食物，包夠熱夠脆，唔似KFC嗰啲凍冰冰嘅包，單係呢點已經贏咗香港市場其中一個主要競爭對手。薯格，KFC真係好蠢，居然放棄提供呢款食物，我相信好多人包括我都喜歡食佢多過食薯條，依家要食薯格真係要幫襯老麥，雖則係時間限定，但都好過毫無選擇要被迫食薯條。講返呢隻薯格，味道係比上次好食咗，但我始終喜歡佢最初嗰隻燒烤味，醬比依家多，顏色係橙色，勁似KFC嗰隻味，非常吸引，唔係依家呢隻黃色，賣相毫不吸引，味道亦不及起初嘅燒烤味，雖然質感係一樣。麥樂雞4件居然有一盒醬，算係賺咗。三隻醬之中，我獨愛芥辣醬，雖則依家嘅麥樂雞無以前咁好食，但依然比KFC嘅雞塊好食，所以又再次砌低對手。汽水，手機應用程式只可叫少冰，但唔可以叫走冰，呢方面老麥仍有改善空間，雖然佢嘅手機落單程式確係做得唔錯。而關於飲品選擇方面，我記得以前有一段時間有熱湯選擇，但依家無咗，我覺得甚為可惜，尤其是天寒地凍嘅日子，一碗熱湯點都好過一杯咖啡奶茶，甚或一杯朱古力。最後，真係
手機應用程式優惠價套餐，$48.5
包括：
脆雞包一個
增量裝薯格一份
麥樂雞4件配芥辣醬
大汽水一杯
脆雞包係繼豬柳蛋包後，另一款仍然保持水準嘅包類食物，包夠熱夠脆，唔似KFC嗰啲凍冰冰嘅包，單係呢點已經贏咗香港市場其中一個主要競爭對手。
薯格，KFC真係好蠢，居然放棄提供呢款食物，我相信好多人包括我都喜歡食佢多過食薯條，依家要食薯格真係要幫襯老麥，雖則係時間限定，但都好過毫無選擇要被迫食薯條。
講返呢隻薯格，味道係比上次好食咗，但我始終喜歡佢最初嗰隻燒烤味，醬比依家多，顏色係橙色，勁似KFC嗰隻味，非常吸引，唔係依家呢隻黃色，賣相毫不吸引，味道亦不及起初嘅燒烤味，雖然質感係一樣。
麥樂雞4件居然有一盒醬，算係賺咗。三隻醬之中，我獨愛芥辣醬，雖則依家嘅麥樂雞無以前咁好食，但依然比KFC嘅雞塊好食，所以又再次砌低對手。
汽水，手機應用程式只可叫少冰，但唔可以叫走冰，呢方面老麥仍有改善空間，雖然佢嘅手機落單程式確係做得唔錯。
而關於飲品選擇方面，我記得以前有一段時間有熱湯選擇，但依家無咗，我覺得甚為可惜，尤其是天寒地凍嘅日子，一碗熱湯點都好過一杯咖啡奶茶，甚或一杯朱古力。
最後，真係想讚下老麥嘅樓面（唔係櫃面，櫃面經常錯漏百出係常識），我無論去到邊間，都非常友善，送餐時又會多問一句：仲有無咩需要，非常貼心。
而呢一晚，送餐嚟嘅係一位阿嬸，雖然時間係晚上9點幾，但目測都有五成入座率，但佢一個由送餐到清潔一腳踢之餘，仲可以同啲十零歲嘅後生仔傾下計，關心下佢哋，唔單只咁，當我發覺送餐嚟嘅時候漏咗個醬嘅時候，我叫做緊清潔餐盤嘅佢聽，佢立即放低手上工作，幫我去櫃檯拎盒芥辣醬畀我，仲解釋畀我知話櫃檯職員解釋已經執咗落嚟，但佢都見唔到有。
而我離開嘅時候，佢第一時間埋離做執拾，仲同我講話好聲行，歡迎下次嚟幫襯，呢類客氣說話。雖然我當時木無表示，但從心底已經留下好印象。
香港飲食業唔係無好員工，問題係你遇唔遇得到，而且我亦相信同公司嘅管理、文化及培訓有直接關係，單單係一個做樓面阿嬸嘅服務，我敢講已優勝過好多食店啦！
張貼
