和牛波士概念店

營業中

休息中

基本上好少會俾差評，除非真係難食或者服務差，今次呢一間就中咗後者。放工想買d野食番屋企，見到呢間鋪頭做緊taco半價優惠，就諗住買一個番去食。結果企咗响個cashier 5分鐘，個staff先施施然咁過黎落單。見佢本身摺緊紙盒，估計應該係做半價所以多野做，無時間應付客，咁就無理啦，結果係落完order之後，落單既人寥寥可數，但係出餐異常地慢，基本上係十五分鐘起跳，重點係我白白企咗半個鐘，先得果5個order唔夠，都可以漏咗我單，要我問個staff先好似如夢初醒咁! 得果幾張單都可以漏單，真係幾好食都無用啦!講番個taco，味道正常但其實算妯件，一個女仔一餐起碼要食兩件先夠飽，如果唔係特價我一定唔會試，因為CP值真係好低，寧願正正經經坐低食餐飯好過。