影片
更多
2020-02-02
4967 瀏覽
超過半年無登入OpenRice，今次寫返係因為覺得呢間都幾值得我去紀錄下。而我老友一路都致力於發掘新餐廳，佢話大班樓有上過「舌尖上的中國」，終之都搵咗個weekend過嚟試返個味。雞油花雕蒸花蟹，入嚟必食，蟹為時價。作為招牌菜式，口味的確可圈可點。首先隻花蟹足晒兩，够大隻，可以保證到啖啖肉。花雕酒味濃而不醉人，搭配新鮮扎實的蟹肉，好正。而個精華都係個湯汁入邊，雞油香，酒甘甜，撈埋陳村粉一流。隻花蟹够新鮮够靚，所以個売好硬，雖然有輔助工具食蟹，都係會食到成手汁，頗為費事又不太雅。嫌麻煩可以叫waiters幫手，不過都係自己親手拆蟹先有飲食的樂趣。九層塔辣椒膏炒蜆，睇個樣就知呢味屬於fusion，老友鍾意而我個人就覺得麻麻。話係辣椒膏其實就無咩辣味，而係滿滿的茄膏酸味，成道菜味道溝亂，茄膏蓋過晒九層塔的香同蜆肉嘅鮮甜，失去咗食材原有的味道。除咗蜆肉飽滿我都讚不出第二隻字。龍井菊花燻乳鴿，一開始我嫌皮太腍，口感介乎於鹵味同炸之間。鴿肉呈粉紅色，可見燻的時間火候啱好，而且龍井菊花可減去不少煙燻味，愈食愈有味。瑤柱鹹魚醬炒時菜，份量迷你咗d，芥蘭去咗皮好係好嫩好鮮脆！平時自己煮根本唔會咁精細，食
雞油花雕蒸花蟹
$850
152 瀏覽
1 讚好
0 留言
雞油花雕蒸花蟹，入嚟必食，蟹為時價。作為招牌菜式，口味的確可圈可點。首先隻花蟹足晒兩，够大隻，可以保證到啖啖肉。花雕酒味濃而不醉人，搭配新鮮扎實的蟹肉，好正。而個精華都係個湯汁入邊，雞油香，酒甘甜，撈埋陳村粉一流。
隻花蟹够新鮮够靚，所以個売好硬，雖然有輔助工具食蟹，都係會食到成手汁，頗為費事又不太雅。嫌麻煩可以叫waiters幫手，不過都係自己親手拆蟹先有飲食的樂趣。
九層塔辣椒膏炒蜆
$188
109 瀏覽
0 讚好
0 留言
九層塔辣椒膏炒蜆，睇個樣就知呢味屬於fusion，老友鍾意而我個人就覺得麻麻。話係辣椒膏其實就無咩辣味，而係滿滿的茄膏酸味，成道菜味道溝亂，茄膏蓋過晒九層塔的香同蜆肉嘅鮮甜，失去咗食材原有的味道。除咗蜆肉飽滿我都讚不出第二隻字。
龍井菊花燻乳鴿
$168
110 瀏覽
0 讚好
0 留言
龍井菊花燻乳鴿，一開始我嫌皮太腍，口感介乎於鹵味同炸之間。鴿肉呈粉紅色，可見燻的時間火候啱好，而且龍井菊花可減去不少煙燻味，愈食愈有味。
瑤柱鹹魚醬炒時菜
$168
103 瀏覽
0 讚好
0 留言
瑤柱鹹魚醬炒時菜，份量迷你咗d，芥蘭去咗皮好係好嫩好鮮脆！平時自己煮根本唔會咁精細，食到不停口，推薦。
桂花杞子雪糕，一開始仲驚訝貴過Haagen Dazs，望落去細細一碗，個賣相又唔得，所以無影相。入口先知奶味濃郁，口感好細滑，桂花清香不甜膩，係值得嘅。
唯一不滿意就係個服務真係唔多掂，由一開始打電話訂枱時就已經態度好差。尤其我同朋友講普通話，有個中年waiter一直黑住面上菜，就差將碟菜fing去張枱度，又大大聲講話而家好多大陸人黎食balabala。認真，食客無分三六九等，大家都係俾錢食飯，洗唔洗對住洋大人就笑笑口，對其他客就西口西面。食飯係一件開心事，食得唔開心，再美味個觀感都要打拆扣。
做飲食業，要尊重食物亦要尊重食客。
張貼
