高麗韓國餐廳 (已結業)

1/4愚人節，真係幾愚....明明寫住收十二點，我地九點九去到，叫左個二人套餐，$210，先黎六碟前菜，算好食，但個侍應係差不多掟落檯的，再掟三碟肉同多春魚同魷魚，但個燒爐好唔掂，燒唔駛好耐就勁多火農屎，痴到成塊肉都係，點食呀，好在叫佢加油佢都換過塊燒爐比我地，但唔駛幾耐又係咁，韓陽苑好好多咯。一食完就收，掟晒三碟野黎，兩條毛巾，兩塊香口膠，四舊橙。佢斟開隔離檯水，我地擰定隻杯開D等佢斟點知佢唔理，要叫先斟，點知一斟冇晒水，佢擰走左個水壺竟然就算數，要再叫佢加水佢先好唔願意咁加。十一點未夠佢就遞張單埋黎話要埋數，下，乜唔係收十二點O家咩。比錢果陣係最大聲講多謝，但我人都未行開佢就已經係咁PING擰PANG爛收野，一路行到出門口都冇人理，BYEBYE多謝冇再講，我好耐冇試過食野食到咁咯。坐左一個鐘成$250，都唔緊要，但野又唔係特別好食，肉又薄過鬼，最差係禮貌，掛住企O係度擔住口煙，完全係趕客趕住收工咁，唔止BAD LIST, 直頭要DELETE....