High Bar by Mak's Beer

營業中

休息中

一家人去食嘢，星期日午餐，其實都冇咩人，餐牌就係網上嗰啲，選擇唔多，都係沙律，意大利飯，牛扒嗰啲，冇咩驚喜。本身環境都幾靚，有戶外位可以影相。好可惜的服務差到不得了。啲人啲態度好差，亦都係全部好似生手咁，一啲都唔識做嘢。我哋冇為意餐飲係寫住齋啡，於是上啡嘅時候問佢攞奶，佢話要煲熱等都唔緊要，不過等到杯咖啡都凍咗啦都仲未嚟。另外再上嘅咖啡再問佢拎，跟住個女侍應竟然喺度反白眼我哋。領班嗰個走來解釋話餐牌係寫咗longblack，咁你當我睇唔到，又第一次嚟，你問吓人哋要唔要奶，呢啲都係好正常卦？最後其中一杯茶包茶，到我哋埋單杯嘢飲都仲未出嚟。我真係想問吓又唔係多客，咁嘅服務態度真係唔OK囉。香港嘅服務業真係沒落㗎啦。