鼎王麻辣鍋 (The LOHAS) (已結業)

好耐無食火鍋，朋友帶我黎康城既鼎王食晚餐。店環境唔錯，坐得寬落舒服。湯底我地選擇左2款口味：麻辣同酸菜白肉，除左麻辣可選辣度，竟然連酸菜都可以選酸度，幾細心。提供比客人既茶水係水蜜桃茶，甘甘香香，幾解渴。另外仲有自助白飯同配料，火鍋點腐乳又幾得，出奇地夾鴨血無限添加！服務員會巡見無就會主動加，好細心。鴨血每舊都大大舊，而且好爽滑可口，encore左好多次。酸菜都可以無限添加，正2個湯底都幾濃味，唔怕愈食愈淡。配料推介蛋餃，用蛋皮包鮮蝦，鮮蝦好大粒。蛋皮蛋味重。蝦滑入面有原隻蝦，啖啖蝦肉，好滿足另外點左羊肉同黑豚肉，羊肉唔會太蘇，配麻辣火鍋食一流。黑豚肉唔鞋口