影片
更多
2016-05-24
7527 瀏覽
好朋友生日，佢想食afternoon tea，揀咗呢間，我就預早一個星期book ,特別留海景枱。 靠窗邊係四人枱，二人枱係靠牆，都幾闊落坐得幾舒服老實講，呢啲tea set 梗係享受睇多過享受食，賣相係相當唔錯，睇返其他食家嘅評論，佢哋影嘅相確實係好夢幻，好似置身愛麗絲夢遊仙境，睇返我影嘅相，幾realistic，係我風格同埋真係好似裝置藝術品一樣，原來每次嘅擺位都唔一樣至於味道，係比我想像中好嘅，因為我都幾驚好睇唔好食，但我覺得係比一般更好最特別係cotton candy，不過打出嚟嘅棉花唔係好幼滑，好實，唔係一絲絲軟綿綿。而且溶得好快，唔知係咪因為啲空氣太潮濕，影多幾張相就成個縮晒水，溶晒。香芒龍蝦三文治配搭新鮮，食得出龍蝦鮮味，芒果好香唔會酸鵝肝批多士舊鵝肝就真係細咗少少，但都食到鵝肝香嘅香味，多士都整得脆，唔太硬煙三文魚忌廉卷好味，忌廉好creamy好香，原來兩樣嘢好夾甜品最好味係 Tiramisu 配法式蛋白餅，個蛋白餅質地整得好好，好脆唔會太甜，兩樣嘢夾埋嘅口感好正樹頭蛋糕配金橘忌廉忌廉，都幾得意幾有新意，食落好似食緊橙朱古力咁，啱晒鍾意食好濃好厚嘅朱古力的人特別要讚嘅係
靠窗邊係四人枱，二人枱係靠牆，都幾闊落坐得幾舒服
老實講，呢啲tea set 梗係享受睇多過享受食，賣相係相當唔錯，睇返其他食家嘅評論，佢哋影嘅相確實係好夢幻，好似置身愛麗絲夢遊仙境，睇返我影嘅相，幾realistic，係我風格同埋真係好似裝置藝術品一樣，原來每次嘅擺位都唔一樣
至於味道，係比我想像中好嘅，因為我都幾驚好睇唔好食，但我覺得係比一般更好
最特別係cotton candy，不過打出嚟嘅棉花唔係好幼滑，好實，唔係一絲絲軟綿綿。而且溶得好快，唔知係咪因為啲空氣太潮濕，影多幾張相就成個縮晒水，溶晒。香芒龍蝦三文治配搭新鮮，食得出龍蝦鮮味，芒果好香唔會酸
鵝肝批多士舊鵝肝就真係細咗少少，但都食到鵝肝香嘅香味，多士都整得脆，唔太硬
煙三文魚忌廉卷好味，忌廉好creamy好香，原來兩樣嘢好夾
甜品最好味係 Tiramisu 配法式蛋白餅，個蛋白餅質地整得好好，好脆唔會太甜，兩樣嘢夾埋嘅口感好正
樹頭蛋糕配金橘忌廉忌廉，都幾得意幾有新意，食落好似食緊橙朱古力咁，啱晒鍾意食好濃好厚嘅朱古力的人
特別要讚嘅係服務好好，個服務員一直都好Friendly ,因為我訂餐廳嘅時候忘記咗話要生日牌，到即日先至提出，佢哋就話儘量着被準備，最後拎出嚟嘅時候仲同我地一齊唱生日歌，令我朋友好surprise好開心！
而且全程都helpful，令到食個下午茶都加晒分!
張貼
