影片
更多
2017-05-10
990 瀏覽
早2個星期六係網上見到呢間小店打算第二日試，咁就book左12:30去下啦，當我準時到達個時竟然見到人龍出現。但店內又有人享用緊食物，當然我見到入座前要先俾錢嘅，咁我禮貌地問問係排隊入定點?一問之下原來條隊係for book左枱嘅人，咁我諗排隊俾錢再入都好合理丫，收個錢好快啫。到仲有4個差不多排到嘅時候開始有人藉問野為名打尖，收錢個女士(⬅⬅負責人，因為網上見到佢做訪問)完全唔識handle件事，一邊同隊頭嘅人講道理，一邊又安排打尖嘅人入座。而我由12:30企到13:00先入到去，當我一路排已經見到前面有對已訂座嘅人都因為負責人處理不當又講一大輪道理而嬲到走左……我心諗食個飯啫，由佢啦~排一陣、都由佢啦~點知愈接近龍頭我就明白點解收個錢都要排半個鐘!就係因為個負責人做野好慢又顧住每個客人講道理，睇得出佢係個種心境平和做事井井有條唔打亂得schedule，一亂就要用自己方法control嘅人。我都係個中意嘆慢板嘅人，但都明白處理客戶要按情況處理。大佬呀！我食個飯啫、唔使搞到中午時份係街係咁曝曬又要俾人打尖就係為左你同每個人講道理、講點解排隊、講點解要book位、講點解有個飲食概念…你要講
我心諗食個飯啫，由佢啦~排一陣、都由佢啦~點知愈接近龍頭我就明白點解收個錢都要排半個鐘!就係因為個負責人做野好慢又顧住每個客人講道理，睇得出佢係個種心境平和做事井井有條唔打亂得schedule，一亂就要用自己方法control嘅人。我都係個中意嘆慢板嘅人，但都明白處理客戶要按情況處理。大佬呀！我食個飯啫、唔使搞到中午時份係街係咁曝曬又要俾人打尖就係為左你同每個人講道理、講點解排隊、講點解要book位、講點解有個飲食概念…你要講咪收曬錢入曬座閂好門對住堂內個30個食客講囉！
到我地終於入到座喇，咁見位咪坐低都好平常，佢又唔話我知坐邊。我一坐低、負責人好緊張咁走過嚟用"內心急得嚟以為自己好禮貌又面帶笑容"嘅語氣話:我安排左你地係最入角落頭咖,唔係你話就咁坐就得咖，我地座位有限，唔好意思呀下。
咁我嘅同行開始嬲喇，我都話可能新開張有啲亂啫，咁安頓好就食野啦~網上就話有40款野食，事實係地方有限得十令廿款。佢個40款係指一款食完refill另一款，唔係同時40款出現你眼前
食物質素都叫ok ge,但完全係屋企都煮到個種口味。煎雞蛋，菜埔蛋，蒸燒賣，饅頭，烚秋葵，冬瓜素肉，炒飯，依麵，煎素雞，旺菜素肉等等…咁出街食嚟講都算健康、唔太油。但佢預俾客人可以夾嘅份量好少，燒賣一次得十令粒，等佢再蒸又等十分鐘，煎蛋又係預得好少，人地一出就無曬。我諗佢refill都好快咖啫，點知廚房應該得1-2個人、完全出唔切。只可以食住麵飯包頂肚
出得最多就係煎蛋，出左2-3次…我感覺係呢間野午餐試左就算，晚餐完全唔會想嚟。
個場人多又野食又少又fill得慢個負責人又趕客…就算你間野原意概念係想多啲人接觸素食，我都得罪講句:呢間野唔易做到回頭客
其實我寫呢個食評，係因為我有幾個朋友一心想試呢度晚餐，我講左唔好再去咖喇，咁佢都想試唯有我打電話訂枱啦~
一接就知又係個負責人，我問佢想訂枱、幾時幾人。
佢答又慢條斯理心平氣和答:我地呢依家只接受會員電話預約，咁你係咪會員?
我:唔係呀，咁係咪應該要walk-in?早前我都食過都係就咁打嚟訂，或者會唔會可以上網都訂到?
佢:你食過?check下先…上2個星期…啊！你隔太耐喇，做咩上次嚟到又同唔我地做會員?
我(odd左):下???都無人講過有會員可以做噃?咁即係唔訂得?
佢:拿，我俾你訂枱就係俾你打人尖，咁樣唔啱我地公司規矩，我地公司有上市集團，有股東有開會咖，公司係會變咖.…
我(開始莫名奇妙):我無興趣知你公司點運作，我想知係咪訂唔到?訂唔到唔緊要咖
佢:你有提問我要解釋你知，你聽我講!聽我講先，我地係有股東開會咖，依家得會員先訂到枱，上次你嚟過又唔做會員…
我:簡單一句,即刻唔訂得!唔緊要，你話我知你booking full曬未?未我就walk-in(嬲嬲豬)
佢:我地full曬喇噃
我:打擾曬！
如果你有耐性睇到呢度，我會同你講
我。一。定。唔。會。再。嚟。食!!!!
張貼
